ARTESANÍA DO FERRO
Catálogo de parte da producción de coitelos de mesa e cociña. Realizados por MAF.
Xa facía tempo que non actualizábamos este noso espazo web. Foi para nós unha tempada intensa en canto a traballo se refire. Pero tamén produtiva. E boa conta delo damos cos seguintes traballos que vos queremos amosar.
Trátase de catro modelos de coitelos en mango de buxo, con follas do máis variopintas e para usos diversos. Se queredes coñecer máis detalles sobre as pezas non dubidedes en escribirnos ao mail: mafartesania@gmail.com
Por petición pública de moitos os que nos seguides e coñecedes vimos a necesidade de, non só realizar un catálogo impreso dos nosos coitelos, senón tamén de amosarvólos por aquí e por categorías.
Así pois, o que podedes ver a continuación é unha escolma dos nosos coitelos de mesa. ¿Coitelos de mesa? Sí, chamamos así aos coitelos realizados para utilizarse como cubertos de mesa. Deseños artesanos orixinais e calidade que garante un bo corte para calquer tipo de alimento.
Non obstante, tamén se poden utilizar como coitelos de cociña, para pelar e cortar distintos tipos de alimentos.
A continuación describimos as características de cada modelo, que oscilan entre os 5,50 e os 8 euros/unidade.
Coitelo en aceiro inoxidable e mango de buxo.
Coitelo en aceiro inoxidable e mango de buxo con filigrana. Este tipo de coitelo realizámolo con tenedor a xogo.
Coitelo en aceiro ó carbono (o que esixe maiores coidados; deben secarse sempre as follas despois de utilizarse) e mango de cerdeira. Un dos nosos modelos clásicos.
Coitelo en aceiro inoxidable e mango de buxo.
Coitelo en aceiro ao carbono e mango de nogal.
Recordade que ésta é só unha escolma. Anque son os principais coitelos que facemos, tratamos sempre de experimentar con novos tipos de madeira e novos deseños, que sempre se poden adaptar ós vosos gustos.
Como puidestedes comprobar, tamén traballamos con dous tipos de aceiro: inoxidable, que é o que actualmente maior saída ten. E con aceiro ao carbono ou para que o entendades, aceiro do que se oxida. O corte soe ser moi bo pero require maiores coidados. Tamén, e posto que falamos dun produto completamente artesanal e co mango en madeira, debe de coidarse moito o secado de cada peza despois de cada lavado; así manterá por máis tempo a súa beleza orixinal.
En próximos post iremos amosando outras pezas e para outros usos. Non vos olvidedes de que para calquer consulta tendes na pestana de contacto os nosos datos.
Saúdos!!
Despois dun longo verán de descanso en medios sociais, voltamos con novidades e con máis coitelería.
Hoxe queremos amosarvos as posibilidades dos nosos coitelos de mesa, imprescindibles para garantir un bo corte e un bo deseño.
Comezamos co noso modelo en buxe con filigrana no mango. Neste caso temos tamén tenedor a xogo:
Pero ó mellor preferides o noso coitelo clásico. O mango de sempre en madeira de cerdeira, que loce así de fermoso na mesa:
E por último unha das nosas pezas estrela. O coitelo de mesa en mango de buxe; un clásico da nosa producción que segue tendo moito éxito:
Modelos diversos para mesas únicas e orixinais. Recordade que ademáis destos que vos amosavos tamén podemos facer mangos a medida e con deseños orixinais ou en outras madeiras como a de nogal.
Tamén con motivo da Feira da Artesanía do Ferro de Riotorto quixemos facer unha edición especial de coitelos xamoneiros e coitelos de cociña.
Realizados en madeira de buxo e aceiro inoxidable, a particularidade é que cada un deles leva distintas pirografías no mango. Un ornamento diferente para unha peza única, e que amosa así de fermosa.
Son un pouquiño máis caros que os modelos de sempre, pero a diferencia ben merece a pena. Para consultarnos sabedes que podedes facelo a través do noso mail: mafartesania@gmail.com, ou ben telefónicamente.
Un dos éxitos deste pasado domingo na VIII Feira da Artesanía do Ferro de Riotorto foi esta peza de coitelería que vos amosamos.
Trátase dun modelo de coitelo sangrador en tamaño pequeno. Os coitelos sangradores son coitelos de folla longa utilizados comúnmente no rural para tareas de matanza. Anque sobra decir que cada un pode darlle o uso que considere.
Para esta ocasión quixemos facer unha peza como a dos coitelos sangradores pero en pequeno, co tamaño aproximado cun coitelo de mesa. Unha ferramenta realizada completamente en aceiro (mango incluído) e cunha orixinal forma. A intención?? Facer unha peza orixinal que sirva para uso doméstico e tamén para adorno ou obxecto de colección.
O éxito foi tal que aquí volo deixamos por se vos interesa facervos con un. Sabedes que podedes contactar con nós a través do noso mail: mafartesania@gmail.com ou ben telefónicamente.
Non somos Dior, nin Bimba & Lola, nin sequera do grupo Inditex 😛
Pero tamén traballamos con entusiasmo no noso, e á fin, temos en común con algunhas destas marcas o feito de que aplicamos o deseño en todo o que facemos. Así que como era de esperar, sacamos a nosa particular colección ou producción para este inverno.
Coitelería de mesa. Coitelería de cociña. Coitelería xamoneira e de carne. E tamén esa coitelería que tanto nos reclaman hacia finais de ano, e que ben axuda nas tareas da matanza tan típicas do rural galego.
Coitelos para todos os gustos, en madeiras de buxe, de cerdeira, de nogal… En aceiro inoxidable ou aceiro ó carbono.
Aquí vos deixamos unha mostra en fotos do que a partires deste intre podedes atopar no noso taller ou en distintos puntos de venta.
E recordade: son bos, son MAF, e son Artesanía de Galicia!!
De vez en cando fannos encargos como éste: Un xogo de doce coitelos de mesa e dous de cociña.
¿Os destinatarios? Unha parella de recén casados, a quen o noso cliente quixo agasallar coa producción de MAF.
Para tal ocasión, artellamos unha caixa tamén artesanal de madeira, co noso logotipo grabado na tapa mediante pirografía, e o nome da parella de noivos nun lateral.
O resultado víase así de fermoso!!
Aquí deixamos o deseño do noso catálogo. Unha escolma da coitelería MAF e os seus usos recomendados!!
Principalmente nas carnicerías soen utilizarse este tipo de ferramentas: os machetes, que anque poden ter varios usos, están pensados (pola súa folla longa e pesada, e polo seu corte) para cortar a carne.
Aquí vos deixamos algúns modelos fabricados por MAF.
Velaquí unha mostra da coitelería para uso doméstico.
As follas dos coitelos poden realizarse en aceiro inoxidable ou en aceiro ó carbono.
En canto ós mangos, esta pequena escolma amosa distintos modelos que se tornean en madeiras de buxo ou cerdeira, principalmente.
Coitelo de mesa en maderia de buxo.
Coitelo de mesa en madeira de buxo.
Coitelo de mesa en madeira de cerdeira.
Coitelo de mesa/cociña en madeira de buxo, sen vernices.
Coitelo para cociña (indicado para cociñar con patacas e verduras) en madeira de cerdeira.
Coitelo de cociña en madeira de cerdeira.
Coitelo de cociña en madeira de buxo.
Coitelo xamoneiro en madeira de buxo.
Coitelo xamoneiro en madeira de cerdeira.
MAF artesanía 
