Novos modelos de coitelería made in Galiza

Xa facía tempo que non actualizábamos este noso espazo web. Foi para nós unha tempada intensa en canto a traballo se refire. Pero tamén produtiva. E boa conta delo damos cos seguintes traballos que vos queremos amosar.

Trátase de catro modelos de coitelos en mango de buxo, con follas do máis variopintas e para usos diversos. Se queredes coñecer máis detalles sobre as pezas non dubidedes en escribirnos ao mail: mafartesania@gmail.com

IMG_2201

IMG_2204

IMG_2207

IMG_2210

Anuncios

Coitelos de mesa

Por petición pública de moitos os que nos seguides e coñecedes vimos a necesidade de, non só realizar un catálogo impreso dos nosos coitelos, senón tamén de amosarvólos por aquí e por categorías.

Así pois, o que podedes ver a continuación é unha escolma dos nosos coitelos de mesa. ¿Coitelos de mesa? Sí, chamamos así aos coitelos realizados para utilizarse como cubertos de mesa. Deseños artesanos orixinais e calidade que garante un bo corte para calquer tipo de alimento.

Non obstante, tamén se poden utilizar como coitelos de cociña, para pelar e cortar distintos tipos de alimentos.

A continuación describimos as características de cada modelo, que oscilan entre os 5,50 e os 8 euros/unidade.

IMG_7952

Coitelo en aceiro inoxidable e mango de buxo.

IMG_7955

Coitelo en aceiro inoxidable e mango de buxo con filigrana. Este tipo de coitelo realizámolo con tenedor a xogo.

IMG_7958

Coitelo en aceiro ó carbono (o que esixe maiores coidados; deben secarse sempre as follas despois de utilizarse) e mango de cerdeira. Un dos nosos modelos clásicos.

IMG_7959

Coitelo en aceiro inoxidable e mango de buxo.

IMG_7953

Coitelo en aceiro ao carbono e mango de nogal.

Recordade que ésta é só unha escolma. Anque son os principais coitelos que facemos, tratamos sempre de experimentar con novos tipos de madeira e novos deseños, que sempre se poden adaptar ós vosos gustos.

Como puidestedes comprobar, tamén traballamos con dous tipos de aceiro: inoxidable, que é o que actualmente maior saída ten. E con aceiro ao carbono ou para que o entendades, aceiro do que se oxida. O corte soe ser moi bo pero require maiores coidados. Tamén, e posto que falamos dun produto completamente artesanal e co mango en madeira, debe de coidarse moito o secado de cada peza despois de cada lavado; así manterá por máis tempo a súa beleza orixinal.

En próximos post iremos amosando outras pezas e para outros usos. Non vos olvidedes de que para calquer consulta tendes na pestana de contacto os nosos datos.

Saúdos!!

Corte e deseño para facer da túa mesa a estrela das comidas!!!

Despois dun longo verán de descanso en medios sociais, voltamos con novidades e con máis coitelería. 

Hoxe queremos amosarvos as posibilidades dos nosos coitelos de mesa, imprescindibles para garantir un bo corte e un bo deseño.

Comezamos co noso modelo en buxe con filigrana no mango. Neste caso temos tamén tenedor a xogo:

IMG_7945

Pero ó mellor preferides o noso coitelo clásico. O mango de sempre en madeira de cerdeira, que loce así de fermoso na mesa:

IMG_7950

E por último unha das nosas pezas estrela. O coitelo de mesa en mango de buxe; un clásico da nosa producción que segue tendo moito éxito:

IMG_7951

Modelos diversos para mesas únicas e orixinais. Recordade que ademáis destos que vos amosavos tamén podemos facer mangos a medida e con deseños orixinais ou en outras madeiras como a de nogal.